منتديات رهين الشوق
صفحة 1 من 2 1 2
عرض 40 مشاركات من هذا الموضوع لكل صفحة

منتديات رهين الشوق (http://www.alshoogg.com/vb/index.php)
-   ~//.. يوميات عضو/هـ (http://www.alshoogg.com/vb/forumdisplay.php?f=48)
-   -   °o.O مساحـــة هادئة .. عنقود الخليج O.o° (http://www.alshoogg.com/vb/showthread.php?t=33834)

عنقود الخليج 2012-11-01 08:00 PM
°o.O مساحـــة هادئة .. عنقود الخليج O.o°
 
..







هنا
" مساحة هادئة .. لعنقود الخليج "
ماهي سوى متنفس لبعض قطرات الحبر
" يعني بالمختصر .. جزء من عنقود الخليج يكشف بها مابين الواقع والخيال "
تحت عباءة الأحرف ومحاور الفلسفة .

الوضوح .. هو مايقرأه الأخر ليعرف من أنا ..
الغموض حالة شبه مصاحبه تلازمني ..
والصمت " قضيه تعنيني فقط "

عنقود الخليج 2012-11-01 08:02 PM
رد: °o.O مساحـــة هادئة .. عنقود الخليج O.o°
 
.






" التفاؤل طريقنا للسعاده رغم كوابيس اليأس "


حكمه ..
ولكن كيف لليأس ان يتشتت ؟؟
ربما اكون مجازفا ..
إن قلت أن هناك إنشطار نووي أحدث آثار تسمى" يأس" ..
والآثار تبقى لبقية العمر ..!!!

إذن : كيف يكون التفاؤل طريق للسعاده ..؟؟
أيكون بالتمني ..
أم يكون بمحو تلك الآثار ..
أم نتجه لإحداث إنشطار نووي آخر يسمى " تفاؤل " ..

هنا سألتزم الصمت .. لأعود ربما بإنشطار او إحتضار ..


.

عنقود الخليج 2012-11-01 08:05 PM
رد: °o.O مساحـــة هادئة .. عنقود الخليج O.o°
 
..
.





المسا ..
للـ أسف .. ماله شعور ..
امتلى جور ..
وانا .. اشوفني به ..
إبلا ملامح ..
من ظلام .. طامح ..
وقصته ..
لحظة إستغراب ..
به النبض .. ذاب ..
من اسئلة .. امتلت بي ..
مبتداها ..
ليه .. الشك يسكن مشاعرنا ..؟؟
وليه .. الحيرة تجرحنا ..؟؟
هم ما يدرون ..
ان المشاعر .. نبضات ..
تسكن .. بلا ترتيب واختيار ..
صحيح مايدرون ..
دامهم ..
يحسبون .. المشاعر ..
مجرد كلام ..
ينزف .. بـ تسلية كذاب ..
لكن وش واقول ..؟؟
غير ان ..
المسا ..
للـ أسف .. ماله شعور ..
امتلى جور ..


.
..

عنقود الخليج 2012-11-01 08:06 PM
رد: °o.O مساحـــة هادئة .. عنقود الخليج O.o°
 
..
.





سافرت ..
ادور .. للـ اماني ..
معنى بـ زماني ..
واستقريت.. بـ غيومك ..
وامطرت ..
لك .. بـ إحساسي ..
اصدق مشاعر ..
من طفل ..
تميزه .. طهر برائته ..
وللـ اسف ..
انجرح .. هـ الطفل ..
ونزف آهاته ..
وصاح به .. الليل ..
موال احزان ..
ولبس .. من ظلامه ..
شماغ ..
والعقال .. من الآهات ..
الا على طاري ..
ظروفك ..
تعلمت .. من مبادئي ..
ان صدق الاحساس ..
به من الوفا .. والتضحية ..
عنوان ..
وما تمنعه الظروف ..
وتدمر كيانه ..
وين .. هـ المبادئ بك ..
هي ضاعت ..
ولا .. الغيت من قاموسك ..
ما عليه ..
ما عليه ..
بـ سافر .. بـ تذكرة ذهاب ..
لـ منفاي واوراقي ..
ومابه .. تذكرة اياب ..
يمكن ..
ترد للـ طفل ..
طهر .. برائته ..
ومعنى الأماني ..


.
..

عنقود الخليج 2012-11-01 08:06 PM
رد: °o.O مساحـــة هادئة .. عنقود الخليج O.o°
 
..
.





رحلة من التأمل في ذاتي .. خرجت منها بـ بعض مايلي :


" الحزن .. كائن ذو انياب .. يتسلط بلا رحمة .. لـ ينفينا بـ داخله "
" الإحساس .. معنى فقد هويته بـ واقعنا .. لـ يحال صدق نبضنا على منصة الإعدام "
" ليست هناك غرابة .. في اختناق ذواتنا .. بـ سبب مشاعرنا "
" الحب ليس بـ حفظ كلمات العشق .. وإنما بـ التعمق في نبضاته بكل إحساس صادق "
" كـ عقارب الساعة .. ندور في محيط معين .. ونغلق باقي المحيطات .. فعلا هو الغباء بـ عينه "
" الأبجدية .. ليست هي حروف الهجاء كما درسنا .. ولكن هي بلورة المعاني بدون تصنع .. لمن يعي ذلك "


انتهت رحلة تأملي .. لـ تتوقف اصابعي عن الكتابة ..


.
..

عاشقة الدموع 2012-11-01 08:24 PM
رد: °o.O مساحـــة هادئة .. عنقود الخليج O.o°
 
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

أصبر ياقلبي وأنتظر خل الحزن مكتوم
كل المعاني تغيرت وأتضحت الصوره
صار الصدق في هالزمن مثل الوفا معدوم
ونفوسنا تجرحت والفرحة مكسورة
كل المبادئ تنشري واللي معاه يسوم
حتي المشاعر ارخصت والكلمة مهدوره
عنقود الخليج:
مررت من هنا فارتشفت من رحيق عباراتك وتنفست أكسجين أبجدياتك...وتلعثمت كثيرا ولم استطع الكتابه

سأكون هنا من وقت لآخر

عنقود الخليج 2012-11-02 02:53 AM
رد: °o.O مساحـــة هادئة .. عنقود الخليج O.o°
 
..
.






من علمك ..؟؟
يـ جارحي .. جرح الاحساس ..
طيب جرحت ..
وش هو .. شعورك ..
مرتاح ..!!
ولا .. ذا طبعك ..!!
ولا .. ما عندك إحساس ..!!
تعال ..
شوف .. دمع عيني ..
واسمع .. آهات قلبي ..
يمكن تحس ..
كيف جرحك .. اليم ..
لكن بـ جد ..
من علمك ..؟؟
يـ جارحي .. جرح الاحساس ..
لا تجاوبني ..
لكن .. بـ علمك ..
جرح الإحساس .. طعن ..
يغتال .. كل الاماني ..
ويدمر .. كيان النبض ..
ويستبد الفرح .. للـ حزن ..
وش بعد اعلمك ..؟؟
ما بقى شي ..
غير .. اقدم لك بـ آخري ..
باقة شكر وتقدير ..
عنوانها ..
تهنئة .. من احساسي ..
تقول ..
استحقيت .. بـ جدارة ..
طعن الاحساس ..



.
..

عنقود الخليج 2012-11-02 02:54 AM
رد: °o.O مساحـــة هادئة .. عنقود الخليج O.o°
 
..
.






عجزت ..
ابدد .. غيمة حروفي ..
وهي تمطر .. بـ آهاتي ..
كأن الحزن ..
حلف .. يبقى فيني ..
ويشقيني ..
وما عاد ادري ..
عن الحلول .. بـ واقعي ..
هو ارحل ..؟؟
ولا .. انزفني للـ ممات .. ؟؟
ولا .. اضيعني بلا معنى ..؟؟
ما عاد ادري ..
غير انه .. اتأملني ..
يمكن بـ يوم ..
ابدد .. غيمة حروفي ..
واطرب .. بـ رقصة كفوفي ..


.
..

عنقود الخليج 2012-11-02 02:55 AM
رد: °o.O مساحـــة هادئة .. عنقود الخليج O.o°
 
..
.






تصاب ذواتنا .. بـ تخمة من المعاني .. وهي استرسال للمعطيات التي احدثت .. في محيط حياتنا اليومية .. وكل مااعتراها من حالات مختلفة عن الاخرى ..
لنقف بحالة من التأمل .. في عملية تصفية وفهم لما كان .. لنخرج بالأخر لتوضيح ذو استفادة ..

ولكن .. حين تكون تلك التخمة مزيج .. من تفاعل الاحساس مع الجروح مع سراب الاماني .. وتتكرر التخمة بـ كل الثواني .. حينها تصاب ذواتنا بزلزال .. اثره يفوق قياس ريختر ..
لتنصهر المعاني .. بكل قسوة .. وبتأجج لهبها بطغيان ..
فماذا نملك اذن للخروج من ذلك ..؟؟؟

لا شي نملك .. سوى السقوط ارضا .. بكل مايحمل التعب من معنى .. فذلك المزيج متسم بجميع الزوايا التأملية .. مع تفاعل داخلي كانت نتيجته ذلك الزلزال ..

/
\

" جرح الاحساس .. هو زلزال يحدث بالذات ضرر طاغي لمن صدق بنبضه "
" عفوا .. ايها الحزن فأنت كائن لا تملك الرحمة "
" التأمل .. رحلة ذاتية إلى جزيرتين .. جزيرة راحة وجزيرة عذاب .. "


.
..

عنقود الخليج 2012-11-02 02:56 AM
رد: °o.O مساحـــة هادئة .. عنقود الخليج O.o°
 
..
.





يـ مسا الخير ..
هلا .. ومليون مرحبا ..
ومثلها .. مليون طابور ..
لا تستحي ..
لك .. صدر هـ المجلس ..
يـ الله ..
عطرني .. بـ سوالفيك ..
وانا بقهويك ..
من قهوتي .. السكر زيادة ..
وش تقول :
ليه .. انا حزين ..؟؟
تصدق .. ما عندي اجابة ..
تعبت النزف ..
يكفيك .. تقرا كتاباتي ..
لا ..
ما ابي اجاوبك ..
لا تحاول .. مافيني للتعب ..
زيادة ..
بتزعل .. ازعل ..
لكن .. خلك واقعي ..
وش تفيد .. إجابتي ..
يرضيك ..
دمعتي .. تنزل ..
وصرخة داخلي .. تسمعها ..
ما اظن يرضيك ..
اجل ..
غير الموضوع ..
ولا تدري .. ضيقت خاطري ..
رغم عدم .. إجابتي ..
الله يسامحك .. يـ ذاتي ..
لا تزعل مني ..
هذا احساسي .. كذا ..
بـ زيادة ..
ما عليه .. تقهوى ..
وتأمل .. بن قهوتي ..
وانا بـ تأملني .. بـ هدوء ..


.
..

عنقود الخليج 2012-11-02 02:57 AM
رد: °o.O مساحـــة هادئة .. عنقود الخليج O.o°
 
..
.





ونادى ..
هـ الطفل .. بـ داخلي ..
وقال : لي يـ عنقود ..
من يوقظ هـ الفرح .. فيني ..؟؟
ويصحي الاحساس ..؟؟
وقلت : كيف اجاوبك ..؟؟
والحزن .. اخذنا بـ احضانه ..
ولحفنا بـ ظلامه ..
وقال .. اصه ..
وصمت .. وصمت مابي ..
واتسمت ..
بنا .. زفرة آه ..
احرقت .. انفاس الكلام ..


.
..

عنقود الخليج 2012-11-02 02:54 PM
رد: °o.O مساحـــة هادئة .. عنقود الخليج O.o°
 
..
.




ما عاد بدري ..
بعد ما ضاق .. صدري ..
وليه ادري ..؟؟
يكفي .. الورد ذابل ..
وللـ آهات .. وابل ..
ويكفي .. للـ قلم جفاف ..
وللـ فرح .. إنعطاف ..
ويـ شعب .. يـ واعي ..
ويـ شعب .. يـ راقي ..
ابسألكم ..
عن بعض .. المعاني ..
ليه الوفا .. ينعدم ..؟؟
وليه الحب .. تسلية ..؟؟
وليه الاحساس .. بلا معنى ..؟؟
وليه الفرح .. مجرد ثواني ..؟؟
صحيح ليه اسألكم ..
ما عاد بدري ..
بعد ما ضاق .. صدري ..


.
..

عنقود الخليج 2012-11-02 02:54 PM
رد: °o.O مساحـــة هادئة .. عنقود الخليج O.o°
 
..
.







مين انادي ..؟؟
وهـ الزوايا .. تعبت تمتماتي ..
وقسا ابتساماتي ..
وهـ القلم .. انتهى للـ جفاف ..
واكتظت الدفاتر .. من حروفي ..
ومين انادي ..؟؟
ووجه الصباح .. عابس ..
وبارزه انيابه ..
كأنه يقول : لا تنادي ..
خلك وحيد ..
ما لك .. نديم ..
غير .. انك يتيم ..
وليه تنادي ..؟؟
هـ الواقع .. اناني ..
بـ كثير من .. المعاني ..
يمكن ..
ينجرح .. احساسك ثاني ..
وتعاني ..
احسن لك ..
خلك .. وحيد ..
ما لك .. نديم ..
غير .. انك يتيم ..
ونادي .. لـ حروفك ..
تجاوبك .. عن تمتماتك ..
وللـ ناس ..
انتبه .. لا تنادي ..


.
..

عنقود الخليج 2012-11-02 02:55 PM
رد: °o.O مساحـــة هادئة .. عنقود الخليج O.o°
 
..
.




يـ الله .. يـ ذاتي ..
نغمض .. هـ العيون ..
اسمع كلامي ..!!
وخلينا .. نحلم ..
ونداعب .. هـ الغيوم ..
ونشكل بها .. لوحة فريدة ..
عنوانها الإندهاش ..
وتسحر .. عيون الناس ..
يمكن ..
تتغير .. بعض المعاني ..
بس ..
خلينا .. نغمض هـ العيون ..
وشرايك ..!!
بعد .. نمطر اجمل الأماني ..
في سما .. هـ الواقع ..
ونكسر .. خشب هـ الصمت ..
بعيد .. عن منفانا ..
خلينا نحاول ..
يمكن .. يكون لنا معنى ..
ونرتاح ..
من بعض .. الأحزان ..
الا وشرايك ..!!
نفتح .. هـ العيون ..
ونداعب .. هـ الاوراق ..
بـ رقصة كفوفنا ..
ونمطر .. بـ حروف فصيدة ..
عنوانها الأماني ..
تصدق .. يـ ذاتي ..
حلو .. هـ التأمل بين الزوايا ..
يـ الله من جديد ..
خلينا .. نغمض هـ العيون ..
ونحلم .. بـ بعض المعاني ..


.
..

عنقود الخليج 2012-11-02 02:56 PM
رد: °o.O مساحـــة هادئة .. عنقود الخليج O.o°
 
..
.






صباح الخير ..
يـ حروفي ..
وصباحي بك .. غير ..
مع قهوتي المعتادة ..
بـ سكر زيادة ..
قومي .. إطربيني ..
مشتاق .. لـ الحانك ..
بـ رقص .. كفوفي ..
على لوحة .. كيبوردي ..
ويـ الله ..
اكشفي وجهك ..
وراقصيني ..
على .. خشب هـ الشاشة ..
وتمايلي بـ خصرك ..
إدهشيني ..
مرة يمين .. ومره يسار ..
يووووه ما اروعك ..
انتي خيالية ..
ولا يوقف .. رقصك ..
عاشقك عطشان ..
يبي .. يبتسم بك ..
ويغني .. بك ..
كيف لا ..!!
وانتي .. مني وفيني ..
وانا منك .. وفيك ..
واووووووو .. ما احلاك ..
تجنني ..
ماقلت لك :
صباحي بك .. غير ..
يوووه ..
اخذتيني .. من اولي لـ آخري ..
ونسيت قهوتي ..
لحظة .. بـ شرب ..
ياااااه .. بردت هـ القهوة ..
خلاص ..
ارتاحي .. يـ حروفي ..
وخلينا .. نتأمل المعاني ..
بـ اشراقة شمسك ..
ما بيني وبينك ..


.
..

عنقود الخليج 2012-11-02 10:41 PM
رد: °o.O مساحـــة هادئة .. عنقود الخليج O.o°
 
....
..





غريبه ..
ولكن ماهي عجيبه ..
قصة الدمعه .. تذوب الشمعه ..
يمكن مصيبه ..

والحقيقه ..
ساكنه .. اطراف المدى ..
ضاعت .. سدى ..
يعني .. شي ومضى ..
لقضيه عميقه ..

تعبت ..
كل الأسئله .. بلا اجابه ..
غموض وحيره ..
عنوان .. للسهر وجوره ..
منها كتبت ..

غريبه ..
ولكن ماهي عجيبه ..
قصة الدمعه .. تذوب الشمعه ..
يمكن مصيبه ..



..
....

عنقود الخليج 2012-11-02 10:42 PM
رد: °o.O مساحـــة هادئة .. عنقود الخليج O.o°
 
....
..





صحيح ..
الزمن قاسي .. به مآسي ..
وعنوانه ..
بدايه .. تختلف عن وجه النهايه ..
ووجه الشبه ..
صوت .. الجريح ..

صريح ..
لأبعد مايكون .. عن من يخون ..
عن ناس .. ماهم ناس ..
خلاص .. بستريح ..

والقضيه ..
تعانق .. فصول الروايه ..
والمتهم .. هو الزمن ..
والمظلوم .. دمعة كل حزين ..
والقاضي .. في إجازه ..
ورفعت القضيه ..

صحيح ..
الزمن قاسي .. به مآسي ..
وعنوانه ..
بدايه .. تختلف عن وجه النهايه ..
ووجه الشبه ..
صوت .. الجريح ..


..
....

عنقود الخليج 2012-11-02 10:43 PM
رد: °o.O مساحـــة هادئة .. عنقود الخليج O.o°
 
....
..





الوحده ..
دمعه .. وهجير ..
ولا يعرف مسير ..
كذا .. حكم الزمن ..
يمكن ..؟؟
او حكم البشر ..
تعبت ..
اطرد البسمه .. سراب ..
والحزن له باب ..
أواه .. أواه ..
نغمه حزينه ..
رحلة كل ليله ..
ادري ..
كل الوضوح ..
نهايته جروح ..
ليت المشاعر .. تموت ..
ولا تنطق ..
كلمة أحبك ..
ليت الزمن .. يموت ..
وتحيا من جديد ..
بلا طعن وجراح ..
حرف وزفيته ..
يشتكي .. الوحده ..
للحبر والورق ..
ويعشقه .. بصمت ..



..
....

عنقود الخليج 2012-11-02 10:44 PM
رد: °o.O مساحـــة هادئة .. عنقود الخليج O.o°
 
....
..




على كثر الإحتياج ..
ندهت لك .. بإحتجاج ..
على بعدك ..
على صمتك ..
وعانيت .. من انتظارك ..
والروح .. تشكي من شح انهارك ..
ادري ..؟؟
لو كتمت الحب بداخلي ..
وجلست اناجي صمتي ..
بالوحده .. والظلام ..
ورسم الأحلام ..
ماتجرعت .. منك الألم ..
وادري ..؟؟
على كثر الإحتياج ..
على كثر ماصرخت .. الآه ..
وسطرت بها حروف المعاناه ..
اقولك شي ..؟؟
لايهمك .. إحتياجي ..
وحروف إحتجاجي ..
إعتبريني ..
انسان عادي ..
ماله .. وجود إبحياتك ..
ولا بيوم راح .. يرتجيك ..
بعد ماكان لك محتاج ..
وينده لك .. بإحتجاج ..
يكفي دمعته ..
وصرخت الآه ..


..
....

عنقود الخليج 2012-11-02 10:44 PM
رد: °o.O مساحـــة هادئة .. عنقود الخليج O.o°
 
...
..




لعيونك ..
اخضعت .. لك حبري ..
يكتب .. بنبض عمري ..
لك ..
وماهو لغيرك ..
بعد ماعرفت بك ..
انك .. البسمه بشفاه الحزين ..
وانك .. العطر بانفاس الحنين ..
لك اكتب ..
وبعد .. اكتب ..
عن شرف ارض .. تحضنك ..
ومن شرفها ..
قالت .. لك النهي والأمر ..
تعالي .. واسكني هنا ..
تحت .. موضع اصبعي هنا ..
تستاهلي .. لأنك ..؟؟
حلم سطرته ..
في سما صفحه ..
وبالآخر .. اشتتك ..
بعد ماداعبت .. ريشة هالقلم ..
لأنك حلم ..



..
....

عنقود الخليج 2012-11-02 10:46 PM
رد: °o.O مساحـــة هادئة .. عنقود الخليج O.o°
 
....
..




أبي انسى ..
وجيه الناس .. بالفرقا ..
وبين الفصول .. ادفا ..
بكب الحبر ..
في كفن قرطاس .. وارتاح ..
دام كلامي .. رياح ..
أبى انسى ..
لآخر المنفى .. واسلى ..
عن جرح .. لبسته وشاح ..
والدمع .. اصبح مباح ..
إبي انسى ..
وبشموخى ارقى ..
عن وجيه الناس .. بالفرقا ..

..
....

عنقود الخليج 2012-11-02 10:49 PM
رد: °o.O مساحـــة هادئة .. عنقود الخليج O.o°
 
....
..




الإدراك ..
حاله .. من المأمول ..
استجمع بها ..
زفرات روحي ..
على .. اطراف صروحي ..
بعد إنعتاق ..
الذات .. في محيطي ..
وتشويش ..
إرسال النبض ..
على شاشة .. قلبي ..
وإبتداء ..
فعل الحيره ..
بوجه .. الصوره ..
حتى بالآخر ..
يكون الإدراك ..
نقطة تجميع ..
بإستدلال .. التقاطع ..
ووقع المأمول ..

..
....

عنقود الخليج 2012-11-02 10:50 PM
رد: °o.O مساحـــة هادئة .. عنقود الخليج O.o°
 
....
..




لبست ..
الحرف .. خاتم خطوبه ..
والمهر ..
هو الحزن ..
بصورة الآهات ..
والزفة ..
نزف الحبر ..
بموال .. الأوجاع ..
والورد ..
يتباهي .. ذبول ..
والاحساس ..
كل مافيه .. متهالك ..
باأوراق .. واقعي ..
واشوف ..
له سطور .. مأتم ..
لبست ..
الحرف .. خاتم خطوبه ..
والمهر ..
هو الحزن ..


..
....

عنقود الخليج 2012-11-02 10:51 PM
رد: °o.O مساحـــة هادئة .. عنقود الخليج O.o°
 
....
..




محتاج ..
انزف .. من داخلي ..
حزنٍ ينادي ..
دموعي .. وآهاتي ..
وعجزت ..
احدد .. مبتدأ نزفي ..
رغم .. عزفي ..
الحزين .. بداخلي ..
وتزاحم .. الأوجاع ..
بصورة امواج ..
حتى ..
غرقت .. تعب ..
لانهزامي ..
بعناد .. هالحزن ..
ورفعت رايتي ..
بعد .. ماتجاوزت ..
عجزي ..
بنزف جملة .. برايتي ..
ورفعتها ..
وانا اردد نزفها ..
" الفرح .. مجرد سراب ..
تعبت .. اركضه "

..
....

عنقود الخليج 2012-11-02 10:51 PM
رد: °o.O مساحـــة هادئة .. عنقود الخليج O.o°
 
...
..





اغازل ..
طرف اهدابك ..
واذوب بك ..!!
خجل ..
وتسكن .. فصولي ..
صمت بك ..
وفعل التصرف ..
مابين كان ..
و مازال ..
يعني مستمر ..
لمجموعة احداث ..
تنعكس ..
من فعل .. الخجل ..
بامتناع الصمت ..
بعذب .. الكلام ..
وهو بك ..
من اوله ..
حتى اخره .. لك ..
بلحن جيتار ..
بانفاس .. العشق ..
لكن ياترى ..!!
من تكون ..؟؟
هالانثى .. ذات الوصف ..
باحلى تقاسيمي ..
والاجابة ..
فارغه .. وتفسيرها ..
هي انثى ..
من خيال .. غازلتها ..
ترف ..
وبالآخر .. كانت ..
الاحداث ..
نشوة .. من فرح ..
حتى ..
صحيت .. بآهات ..
لكن .. بلى الم ..
لانها .. انثى من خيال ..
تشكلت ..
بسما خيالي ..

..
....

عنقود الخليج 2012-11-02 10:52 PM
رد: °o.O مساحـــة هادئة .. عنقود الخليج O.o°
 
....
..




هدوء ..
ياخذني .. لابعد مدى ..
ويتركني .. مدار ..
في حالة .. استداره ..
ضايعه سدى ..
ومركز هالمدار ..
نقطة تفكير ..
متزاحمه بالاسئله ..
وبلحظه تعب ..
تتصاعد .. مؤشراتي ..
بتعبير الحزن ..
حتى .. يهد التعب ..
لحظة هالهدوء ..
وتبتدي .. رحلة الاستداره ..
دمع ..
وآه من وجع ..
وانا ضايع .. سدى ..
بسؤال .. إلى متى ياترى ..؟؟
يكون الهدوء ..
وارتاح .. من كل الاسئله ..
وشاشة مداري .. فارغه ..
إلى متى ياترى ..؟؟

..
....

عنقود الخليج 2012-11-03 09:32 PM
رد: °o.O مساحـــة هادئة .. عنقود الخليج O.o°
 
....
..




ليه ..
ليه .. انا ..
غير .. عن كل البشر ..
والحزن .. جمر ..
وغصوني للذبول ..
في .. عمر الزهور ..
ليه ..
ليه .. انا ..
في عناويني .. الحرمان ..
وللآه اشجان ..
ترى .. بي احساس ..
وانا .. اشوف الحواجز ..
رغم برائتنا ..
وطهر .. امانينا ..
امانه ..
هو .. به كذا ..
في .. دستور البشر ..
ولا انا ..
من .. بين البشر ..
اسمع الصوت ..
لا تتركه .. بالنهايه يموت ..
من ضما الحرمان ..
ليه ..
ليه .. انا ..

..
....

عنقود الخليج 2012-11-03 09:32 PM
رد: °o.O مساحـــة هادئة .. عنقود الخليج O.o°
 
....
..




جيت ..
وعسكت لك ..
إنهزامي ..
بصورة .. نصر ..
بعد ماعاتبت ..
كل مافيني .. من انين ..
وحاصرتها .. لك ..
في .. صباح الايام ..
احساس ..
بعد ماحيا ..
هالقتيل .. بصدري ..
وقلت .. لك ..
هالعمر جديد ..
وقطفت ابتساماتي .. بك ..
وزرعتها ..
بداخل .. صدري ..
عشق ..
ودار .. بي الوقت ..
حتى ..
هربت مني .. لي ..
وضج ..
السكون .. بآه ..
حتى .. تخيلت ..
رماح الحزن .. تطعني ..
بالاسئله ..
منك .. ولك ..
حتى .. اتعبني القلم ..
باختناقه .. بين اصابعي ..
وحل الليل .. صمت ..
حتى شطبني ..
من .. تأمل ضيه ..

..
....

عنقود الخليج 2012-11-03 09:33 PM
رد: °o.O مساحـــة هادئة .. عنقود الخليج O.o°
 
....
..




شوهت ..
ملامح .. هالوجه ..
من ..؟؟
تكدس هالحزن ..
في زوايا .. الظلما ..
حتى هما ..
كل حرف .. وبكا ..
وهو يسألني ..
عن .. وجه المسا ..!!
متى ..يضويك ..؟؟
وكان الجواب ..
بسؤال ..
متى يودعني الهجير ..؟؟
وسكت ..
من جدب .. الفرح ..
عن هالصرح ..
ونام .. بحضن القرطاس ..
من وجع .. هالاحساس ..


..
....

عنقود الخليج 2012-11-03 09:34 PM
رد: °o.O مساحـــة هادئة .. عنقود الخليج O.o°
 
....
..




اختال ..
كل المعاني .. بكتابي ..
وازدواجية الفهرس ..
ترمز لخيالاتي ..
وهي تكفن ..؟؟
فصولي .. جبر ..
حتى تعلن ..؟؟
انهزام .. الحقيقه ..
بموت الوضوح ..
وينسدل .. ستار كتابي ..
على شفره ..
بيني .. وبين ذاتي ..
عمقها ..
قاع .. بعيد المدى ..
ومن .. يحاول الرؤيه ..
راح .. يغتال ..
نفسه .. بالسقوط ..
لآخر القاع ..
بكل .. اندهاش ..

..
....

عنقود الخليج 2012-11-03 09:35 PM
رد: °o.O مساحـــة هادئة .. عنقود الخليج O.o°
 




....
..


اندهك ..
بسؤال .. حير التفكير ..
ليه اشوفك .. بكل المساحات ..؟؟
ترتسم بي .. إبتسامات ..
هو يمكن يصير ..!!
وصحى سؤال ..
وش اللي يصير ..؟؟
لا لا .. مجرد حلم ..
معقوله ..
يمكن .. او هي حقيقه ..!!
ماعاد ادري ..
حيره بهالتفكير ..
تعبت اتأمله ..
وارسم .. منه الآف الأسئله ..
واعيد ..
ترتيب كل الحروف ..
يمكن .. تكون به اجابه ..
حتى .. إن كانت بالنيابه ..
صحيح ..!!
هو ليه اندهك ..؟؟
من .. حيرة التفكير ..
ولا إختبار ..
يكون .. منه إنبهار ..
يصير ..
وش اللي يصير ..؟؟
ماعاد ادري ..
حيره بهالتفكير ..


..
....

عنقود الخليج 2012-11-03 09:36 PM
رد: °o.O مساحـــة هادئة .. عنقود الخليج O.o°
 





..



جروحك ..
ببوح بها .. لاوراقي ..
بكل طعنة .. احساس ..
وزفرة انفاس ..
وانسج بها .. قصة الم ..
صحت ..
على وجه .. الزمن ..
وكان الثمن ..
ترنيمة جروح ..
وباسكب بها ..
كيف .. ذبل هالورد ..
وسكن الظلام .. بكل الزوايا ..
وكيف .. عكست المرايا ..
كل الحقائق ..
وكيف .. انتهت هالمسرحية ..
بنزف القلب ..
وارسم بها ..
على شاشة .. البشر ..
كيف .. الجروح ..
اخر .. طعن بالصروح ..


..
....

عنقود الخليج 2012-11-03 09:36 PM
رد: °o.O مساحـــة هادئة .. عنقود الخليج O.o°
 





....
..


ووجه الشبه ..
تزاحم ..
تفسيره .. نبض احساسي ..
بعد ما استدعاني ..
انزف .. هالحقيقه ..
بعيون المرايا ..
وهي .. تعكس ..
مبتدأ الفصول ..
بعد .. نقطة ضعف ..
كان منها ..!!
عضة إبهامي ..
حتى .. نزف دمي ..
وكان منه .. الحبر ..
رسم ..
بغلاف كتابي ..
لفضا .. من فوضى ..
حكايه ..
تحاكي .. الذات ..
عن .. إحداثيات روح ..
اختلفت ..!!
من .. حالة صعود ..
إلى .. حالة هبوط ..
والنتيجة ..؟؟
ازمة .. لنبض احساسي ..

..
....

عنقود الخليج 2012-11-03 09:37 PM
رد: °o.O مساحـــة هادئة .. عنقود الخليج O.o°
 
....
..


عجزت ..
اجمع تفاصيل ..
واقعي المفقود ..
وانا .. اشوف الاماني سراب ..
وينك ..؟؟
يا نبض ارتسم .. باوراقي ..
وبعثر فيني الاحساس ..
مع بقايا الانفاس ..
هو صدق ..؟؟
انّ .. مجرد حروف ..
تشتت باخر الوقت ..
وين الحقيقه ..!!
يانبض ارتسم .. باوراقي ..
ولا .. نضمها بفصول السراب ..
وين الحقيقه ..؟؟
والضما .. الهث حروفي ..
وريشة اللوحه ..
رسمتني .. بملامح طفل ..
يده على خده ..
بين زحمة .. الناس ..
وهو عاجز ..
يجمع .. تفاصيله ..
امانه ..
وين الحقيقه ..؟؟
قبل .. لا تكون النهايه ..
آهات العنقود ..
ورحيله .. بين اوراق كتابه ..
بعيد .. عن عيون البشر ..


..
....

عنقود الخليج 2012-11-03 09:38 PM
رد: °o.O مساحـــة هادئة .. عنقود الخليج O.o°
 
....
..





ابحترق ..!!
دام .. نبضي جراح ..
ودمعي مباح ..
وليه انتظر ..؟؟
مليت النظر ..
وكل .. الصور يتيمه ..
وآه .. آه ..
ياحزن المدينه ..
هذا المفترق ..
ابحترق ..!!
مثل هالغصن ..
واترمد ..
ما للملامح ..
وجه .. مبتسم ..
وما للجسم ..
روح .. تنبض داخله ..
والفرح ..
قرر محاله ..
يبتسم .. لاركان المدينه ..
يعني للعدم ..
بلون الدم ..
ترتسم .. بحضن اللوحه ..
وفيني يصرخ ..
آه .. يالجراح ..
كلي غرق ..
ابحترق ..!!

..
....

عنقود الخليج 2012-11-03 09:40 PM
رد: °o.O مساحـــة هادئة .. عنقود الخليج O.o°
 
....
..






غريبه ..
هي .. قصة انهاري ..
جفت ..
وعطشت .. اوراقي ..
حتى سألت ..
نفسي ..
عن .. سر انهاري ..
وكان الجواب ..
تمتمه ..
تفسيرها .. انهياري ..


/
\


صحيح ..
ليه هالليل .. سرق ..
وجه النهار ..
حتى .. نزف دمعه ..
ياهي حيره ..
من اولي .. لاخري ..
والاجابه ..
للاسف .. بقايا فراغ ..
بوسط هالليل ..


..
....

عنقود الخليج 2012-11-05 06:23 PM
رد: °o.O مساحـــة هادئة .. عنقود الخليج O.o°
 
....
..





وكان الأمتثال ..
برعشة جفن ..
إهتزت .. ؟؟
منها اصابعي ..
حتى .. كان الإستهلال ..
لتمتماتي ..
حالة .. من إعتقاد ..
ان ذاتي ..
بداخله إحتدام ..
وتفسيره ..
في ملامحي ..
وجه النهار ..
كان بأولي ..
واختفى .. في آخري ..
بعد ما ضمه ..
ظلام الليل ..
ونزف .. منه نبضي ..
على إيقاع ..
المواجع ..
بـ أّه أّه .. بنبرتي ..


..
....

عنقود الخليج 2012-11-05 06:24 PM
رد: °o.O مساحـــة هادئة .. عنقود الخليج O.o°
 
....
..




هنا ..
بتمادى .. بحرفي ..
في .. سما هـ الشاشه ..
واكشف ..
سر الخفايا ..
ورمز .. ارتسم بين السطور ..
كانت ..
دعوة كتابه ..
على .. مدى الملامح ..
عن خفايا ..
وغموض .. المعاني ..
وتفسيرها ..
استدعيت .. هـ القلم ..
يبلور ..
كيف به يكون ..
العمق .. رمز مخفي ..
ما كل ..
كاتب .. يعرف معناه ..
غير .. من تعمق ..
وغاص ..
بين .. ثنايا الوطن ..
وانتزع ..
صندوق .. الحروف ..
لكن ..
للأسف .. ما احد تعمق ..
غير انسياب ..
وعبارات .. من شكر ..
صحيح ..
يا الوطن .. هذه حدودك ..
حاجز ..
يقرا بها .. آخري ..
عمق الكتابه ..
ويعرفك ..
صحيح .. هو انا عرفتك ..
ولا اجهلك .. يا هـ الوطن ..
تصدق ..
ضيعت بعضي ..
في .. محور حروفي ..
تصدق .. يا وطن ..
لا تشكف .. اعماقك ..
وتصحى ..
بالآخر .. اوجاعك ..
او خيالاتك ..
لكن .. كشفت بك ..
الخفايا ..
على .. مدى الملامح ..


..
....

عنقود الخليج 2012-11-05 06:25 PM
رد: °o.O مساحـــة هادئة .. عنقود الخليج O.o°
 
....
..




إنتهينا ..
ادري .. ماهي جديده ..
او كلمه وليده ..
احس فيها ..
طبعا ..
هذا .. هو الفرق ..
بيني وبينك ..
وتفسيره ..
اني انا .. انسان وافي ..
وانتي ..
آه يا انتي ..
انسانه .. بلا احساس ومشاعر ..
يعني .. مجرد زيف ..
ماعلينا ..
اقولك :
اسمعي .. بقايا الجمل ..
" صعب اندم عليك "
اعيش بوحدتي ..
هذا اكيد ..
لكن .. ماتموت عزتي ..
بكلمة إنتهينا ..


..
....

عنقود الخليج 2012-11-05 06:25 PM
رد: °o.O مساحـــة هادئة .. عنقود الخليج O.o°
 
....
..




اناديني ..
من بين .. اركان صمتي ..
وازفر ..
بقايا .. الآه فيني ..
واذوب ..
بين .. اطراف تمتمتي ..
من جمر ..
استباح .. صمتي ..
حتى اضيعني ..
بين .. مساحات وحدتي ..
وغصب اصمتني ..

..
....


الساعة الآن 08:20 AM
صفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق