|
رد: نبضات رهين الشوق
لَمْ يَعُدْ أَمرُ الرَحِيل يُثِيرُ حَسَاسِيَة المِلحْ فِي عيني .. أَكلتُ من رحيلكِ حتى التُخَمةِ أَلماً لِدَرجَة أنَ امرَ بَقَائك ِ و رحيلك ِ تَوازَى فِي الوَجعْ ..! |
رد: نبضات رهين الشوق
ياح ـٌلم قلي وش يضر لو تحقق متى الفرج ياحلم يعانق خ ـٌيآلي
ج ـٌيتكـ طموح ـٌن بالمعآني ترقق ليت البشآير مآتع ـٌآند وصآلي |
رد: نبضات رهين الشوق
ياصاحبي ليه الجفا يوم جافيت
وأنا أحسب أن أبراج حبي رفيعه طبعي الوفاء وأن كان حبيت حبيت وطبيعتك .. ياشينها من طبيعه مديت لك كف الرضاء وأنت مديت مديت لي كف الجفاء والقطيعه الله يبارك فيك.. وشلون .. صديت وأنت الذي روحك لروحي مطيعه بأغليك أنا ياصاحبي ولو تغليت حتى ولو أرض المفارق وسيعه وأنت الذي في دنيتي ذي تمنيت وصرت الضياع ولازم أني أضيعه غلاك.. أحكي به وأنا ما تحكيت اللي فقلبي .. القلم.. ما يشيعه أنت الفصول الأربع وكان ماجيت وشهو الخريف وذا الشتاء مع ربيعه والصيف كانك ما أنت راجع فياليت اللي .. يحبك.. ما تحاول .. تبيعه أول غلانا .. بالبرائه .. بلا صيت كني رضيع..وعاشق(ن ) له رضيعه ومن يوم شافوني .. بحبك .. تركيت في مجلس الحب..ودروب(ن )فضيعه صاروا .. سهوم وسمها للغلا .. يميت وصرت أتحرى .. هجرك ..بلا رجيعه واليوم .. شفتك .. الغلانا .. تناسيت وصرت .. متندم.. للغلا .. يوم أذيعه المشكله .. أعرفك.. بأنك.. تعنيت وأشواق قلبك..في ضلوعك.. مريعه حديت قلبي .. عالهجر .. لين حديت روحي..على الحزن الذي ماأستطيعه برد الجفاء والهجر .. ودرب التشاتيت صاير صقيع .. وضعت أنا في صقيعه ولو صار مهما صار .. ومهما أصريت بأموت أحبك ( دوك ) قلبي وديعه وياليت : ترحم حالك .. وحالتي ليت واللي .. ( يحبك ) .. لاتفكر .. تبيعه |
رد: نبضات رهين الشوق
مرّني طيفـك .. وطيفـك صاحبـي مـدري عـدوّي جايبٍ صوتك .. وصوتـك سكـة الذكـرى الحزينـة قال أنا جوّي تكـدّر .. قلـت : ماهـو كثـر جـوّي قال فرقانا غبينـة .. قلـت : وأكثـر مـن غبينـة قال : أنا بـ أموت من غيبتك قل لـي ويـش أسـوّي قلت : أنا أبغى الموت في غيبتك .. قل لي بس وينه قبل ترحل .. كنـت أقـول بيسـرح أيـام و يضـوّي مثـل ماعودنـي اليـا اشتقـت لـه جابـه حنينـه بـس هـ المـرة ثمـان شهـور وضلوعـي تــدوّي كل يوم أشتاق لك .. يلعـن أبـو الشـوق وسنينـه كـل ماعشمـت قلبـي .. قـال ياآآ ضلوعـي تقـوّي ورحـت أنـا ويـاه نرقـب رجعـة اللـي فاقدينـه نوب أقـول اليـا رجـع بكـون فـي قمـة هـدوّي ونـوب أقـول الا أبزعـل وأتلـى مابينـي وبينـه كل يوم أجلس علـى جـال البحـر وأقـول تـوّي .. .. لاسألني : مافقـدت الحلـم فـي لمسـة يدينـه مادريـت أن البحـر ماقـال لأمـواجـه تــروّي و مادريت أن الغـرق هـو حجّـة غيـاب السفينـة مادريت .. أو مابغيت أدري .. ولاأدري وش بسوّي لو رجعت .. وشفت طيفك فـي الممـرات الحزينـة وين ابنسى وانت طيفـك صاحبـي مـدري عـدوي مارضى يتـرك لـ غيـره شبـر واحـد فـي المدينـة |
رد: نبضات رهين الشوق
من عز نومي صحيت وشفت في عينـي
دمع تهادى علـى جفنـي وأنـا غافـي ستـرت دمعـي بـ كمـي قبـل يغرينـي وأخذت هذا الجسد مـن باقـي لحافـي وسريـت تايـه ورا خطـوات رجلينـي لا الوجه وجهي ولا أوصافي هي أوصافي أمشـي وأقـول لـ طريقـي لا توديـنـي لـ عيون ناس تبي تـدري عـن الخافـي أمانتـك.. خلهـا مـا بينـك وبيـنـي خابرك يالـدرب خـوة عمـر وسنافـي مـا ودي النـاس تـدري وش يبكينـي كرامة النفـس ورث أبـوي و أسلافـي أمشي وأحس الخناجـر فـي شرايينـي والبرد يمشي وراي وينهـش اطرافـي وحيـد واللـيـل بـردونـه يغطيـنـي تقـول كـن البلـد روح بهـا السافـي إلين ما أوحيـت لـي صـوت ينادينـي صوت أعرفه مثل ما أجهل وش خلافـي قمـت أتلفـت و انــادي لا تخليـنـي ما غيره.. الصوت هذا صوتـه الدافـي ولمحت زوله من أقصى الـدرب لافينـي مدري وش اقول لكن حـي هـا اللافـي تعال.. شف غيبتك كيـف أثـرت فينـي تعال.. شفني وأنا أغرق عقب مجدافـي تعال.. خذنـي ورحبـي مـن عناوينـي تعبت أعدي على جمـرك وأنـا حافـي تعال واقطف بصوتـك زهـرة سنينـي كـل المواعيـد عقبـك شمعهـا طافـي تعـال وازرع خصـل شعـرك بكفينـي بضمهـا ليـن أحـس بليلـك الظافـي تعال وشفيـك خايـف أنـت ناسينـي قطعت صوتـي عليـك وطـال ميقافـي حتى بديت أشعـر أن الحـب معمينـي وان أنت حلم عثى فينـي وأنـا غافـي لكن أمانـة تـرى اللـي فـي كافينـي إن رحت منك كذا مـا رحـت متعافـي بصـدق الحلـم وأحـذر لا تصحيـنـي في خاطـري كلمتيـن إن قلتهـا كافـي أمانة الله عليك إن غبـت عـن عينـي لا يكون قلبك مثل قلـب الزمـن جافـي مع كـل دمعـة تذكـر رعشـة يدينـي ومع كل ضحكـة تذكـر قلبـي الوافـي |
رد: نبضات رهين الشوق
يعني كـذا يـا أم الوفـا والمحبـه
كـذا المحبـة والوفـاء ياوفـيـه أغيـب عنـك أيـام ولا أتنـبّـه إلا وانـا أشوفـك زعلتـي عليـه وش زعلك وش هز قلبك وشبه يعني عشاني غبت صارت قضيه ياام القوام اللي مـن أدنـاه هبـه يميـل كـن الخيـزران أدمـيـه وأم الجديل اللي من يخـاف ربـه يذكـر عليـه الله ويذكـر نبـيـه إن كنت مخطـي فالخطـا مايجبـه إلا العذر وانـا اعتـرف بالخطيـه وهذي بعد من فوق الأعذار حبـه لا تزعلـيـن الله يخلـيـك لـيـا |
رد: نبضات رهين الشوق
يا بشر تكفـون حلّـو عـن سمايـه ما يصيب الهرج لو الهـرج صوبـي كـم سكـت لكـم بمـا فيـه الكفايـة اشتموني لو زعلتـوا واشمتـوا بـي عيبونـي واتركونـي فـي عمـايـه واتركوا لي واحـد يرضـى عيوبـي اتركـوا لـي واحـد يمسـح شقايـه كل ما حـط الزمـن دوبـه و دوبـي ذاك والله لـو ذكـرت انـه ورايــه اشعر إن الكـون كلـه وسـط ثوبـي يكفـي انـه لـو يسولـف للمرايـه كن صوته يهمس لـ صورتـه.. ذوبـي كيف أنا مـا أذوب مـا دامـه معايـه اسمعه و أسهر معـه لآخـر دروبـي كل مـا قـال السهـر درب الغوايـة قلت كلـه مـن عيونـك هبّلـوا بـي وكل ما قـال الخطـا ماهـو خطايـه قلت له قـل للعيـون السـود توبـي ضيعتـنـي واســأل الله الهـدايـة وين أجيب العقل.. أجيبه من جيوبـي من يعرفـك مـا يـدل العقـل رايـة يا شروق العمر.. مدري يـا غروبـي أذكر انك كنـت لـي مثـل الهوايـة لو تروح ولو تجـي يبقـى شحوبـي بس مدري كيف صرت اليـوم غايـة وصرت أجي و أروح مدري عن دروبي يـا بعـد عمـر الكتابـة و القـرايـة يا الشمالـي يابـو الملـح الجنوبـي لا قريـت اللـي كتبتـه يـا رجايـه رح وبلغ ربعـي اللـي جننـوا بـي قلهـم يمكـن يخـلـون الوشـايـة و إن تمادوا خلهم مهمـا حكـوا بـي أنت خلك بـس فـي الدنيـا عزايـه لا تفكر في العـواذل وأنـت صوبـي ادري إن كـل درب ولــه نهـايـة بس أنا باقـي معـك لآخـر دروبـي |
رد: نبضات رهين الشوق
جف الكلام ومـدت يدينهـا فـوق : .. .. أخترت هذي .. وأنت شف لك سحابه قلت .. ويديني تحتضنها مثل طوق .. : أختـرت هـذي هـذي أكثـر رحابـه هذي دفا صوتٍ مـن البـرد مخنـوق هذي سـؤالٍ نصـف عمـري جوابـه هذي هي اللي عرّفتني علـى الشـوق هذي قدر .. ماكنـت حاسـب حسابـه قطعة حزن في جيب بالـي ومشقـوق ومضة فرح في عيـون نـاسٍ غلابـه أن سولفت فـي ثغرهـا لمعـة بـروق وإن سرّحت في عيونها صمـت غابـه واليا اضحكت نورٍ من الفجر مسـروق واليـا بكـت تحـزن عليهـا الكآبـه حبي لهـا لـوأدري ان فيـه مخلـوق قدّ حبّ مثلـه .. قلـت : "ياللغرابـه" هـ الآدمي من وين له قلـب و عـروق والصبر هـ المسكين مـن ويـن جابـه وأنـا أتكلّـم .. ردّت عيونهـا فـوق ثم تمتمت : من هي هـ الأكثـر رحابـه قلت ويدينـي تحتضنهـا مثـل طـوق فـي ذمتـي ما شفـت غيـرك سحابـه |
رد: نبضات رهين الشوق
..{ تحت الأرض أحبـك }..
مي هذي مثل طلّ الصبـح لأغصـان الحدايـق يبتسـم قطـر النـدى لاباسـتـه أو باسـهـا مي هذي بنت لامن شفت صدر الليل ضايـق .. أدري ان عيون مـيّ اليـوم طـال نعاسهـا من هنا تصحى ويصحى الحب في عيون الخلايق ومن هنا تغفى وتنسى الارض ضحكـه ناسهـا يسعد الله قلب ميّ اللي كثـر ماهـوب بايـق .. ..من قلوب الخلق..مااذكر مـرّ يـوم وداسهـا لأن مي أرق بنت..ولو قسـت ماهـوب لايـق حيّرتني مي..الأجمل : هـي..والا أحساسهـا بالها لاضاق زانت..كيف لامن صـار رايـق في انتباهتها براءه..كيـف اجـل هوجاسهـا العمر لو كـان ضحكـه مـي تكفينـي دقايـق بس اخاف ان مت..تحني مـي فوقـي راسهـا مي لـو تبكـي لموتـي مالـي الا افـز فايـق من قبل لاامـوت أكثر..مـن نشيـج انفاسهـا مي .. لاتعطين بال لمن يقـول المـوت عايـق الجسـد موتـه يفـك الـروح مـن حراسهـا ماأحبك فـوق الارض وبـس ياكـل الخلايـق حتى تحت الارض أحبـك يابعـد مـن داسهـا مي لو ماقلـت فيهـا بيـت واحـد ماتضايـق لأن مالي شعـر ينشـر لـو رفـض كراسهـا |
رد: نبضات رهين الشوق
..{التفاصيــل الصغيــره }.. ازعل عليك احيان وأزعل على نفسي قبل ماأزعل عليك وأرضى عليك احيان وأرضى على الدنيا وانا راضي عليك وأنت عمرك مازعلت .. وماعتبت ... ومارضيت أزعل علي لو كذب أعتب علي لو كذب هذي التفاصيل الصغيره اللي تخلينا نحب ماأحب انا ازعل عليك ازعل انا لأني احب *** ياأدفي من حروف الشعر ياأرق من حلم السنين إذا تركتك تنتظر حسسني إن انتا حزين مابي تقول مسامحك قل : ماأبيك وإذا رجعت اصافحك أبعد يديك أنا انجرح قبل اجرحك وأبكي عليك لكن أبي مره تحس وشلون أنا أمووت فيك هي التفاصيل الصغيره اللي تخلينا نحب ماأحب أنا أقسى عليك أقسى أنا لأني أحب |
| الساعة الآن 02:28 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق